Бид бүхэнд заримдаа шантрах, цуцах үе байдаг. Гэвч тухайн стресс нь таныг үргэлж ядарч, туйлдсан байдалтай байлгадаг бол энэ нь таны ажлын гүйцэтгэл болон эрүүл мэндийн байдалд нөлөөлөөд зогсохгүй танай хамт олон, эргэн тойрны хүмүүст ноцтой асуудал болж ч мэдэх юм. Уг архаг стрессийн байдлыг шинжлэх ухаанд стрессээс ангид нэр томьёо хараахан бий болоогүй байгаа учир тодорхой мэдээлэл хараахан олдоогүй байна. ComPsych-ийн 2013 онд хийсэн судалгаагаар Хойд Америкийн 5100 гаруй ажилчдын дунд явуулсан судалгаагаар 62% нь стресс, хяналтаа алдаж, хэт ядаргаатай гэж гарсан байна. Судалгаагаар ядаргаа нь титэм судасны өвчин, цусны даралт ихсэх, нойрны хямрал, сэтгэлийн хямрал, түгшүүр зэрэг бие махбодын болон сэтгэцийн эрүүл мэндийн олон сөрөг үр дагавар, түүнчлэн архи, мансууруулах бодисын хэрэглээ нэмэгдэхтэй холбоотой болохыг тогтоожээ. Түүгээр ч зогсохгүй, ядарч туйлдсан нь дэмий хоосон, ганцаардмал мэдрэмжийг төрүүлж, харилцааны чанарыг алдагдуулж, урт хугацааны карьерын хэтийн төлөвийг бууруулдаг.
Ажлын байрны архаг стресс нь Ядаргаа, Цинизм, үр дүнгүй байдал зэрэг шинж тэмдгүүдээр илэрдэг тул тус тусад нь авч үзье.
- Ядаргаа
Энэ нь хүмүүсийн бүтээмжтэй байдлыг сулруулж, бие бялдар, танин мэдэхүйн, сэтгэл санааны байдал болон ажлын сэтгэл ханамжид нөлөөлдөг байна. Та ядарч туйлдсан үедээ анхаарлаа төвлөрүүлж, том дүр зургийг харж чадахгүй байгаагаа мэдэрдэг; Тэр ч байтугай ердийн, урьд өмнө нь тааламжтай байсан ажлууд ч хэцүү, ядаргаатай мэт санагдаж, ажилдаа явах болон гэртээ буцаж ирэхэд ч хүндрэлтэй болдог байна.
- Цинизм
Энэ нь үндсэндээ ажлаасаа сэтгэл зүйн хувьд холдох явдал юм. Даалгавар, төсөл, хамтран ажиллагсад, үйлчлүүлэгчид болон бусад хамтран ажиллагсдаараа хүрээлэгдсэн мэт сэтгэгдэл төрхийн оронд танд бусдаас хөндий, сөрөг мэт сэтгэгдэл төрдөг. Цинизм нь ажлын хэт ачааллын үр дагавар байж болох ч зөрчилдөөн ихтэй, шударга бус , сөрөг орчинд байгаа тохиолдолд ч бас тохиолддог.
- Үр ашиггүй байдал
Энэ нь таны ажлын амжилт, бүтээмж дутмаг мэдрэмж төрөх явдал юм. Ийм шинж тэмдэгтэй хүмүүс өөртөө итгэх итгэлээ алдаж, тодорхой ажлуудыг хийж чадахгүй байх эсэхдээ санаа зовдог. Үүнээс гадна хэрэв танд хангалттай цаг хугацаа, мэдээлэл, тодорхой хүлээлт, ажлаа сайн хийх нөөц бололцоо, дэмжлэг дутагдаж байвал энэ шинж тэмдэг мөн илэрч болно.
Хэрхэн сэргийлэх вэ?
Эерэг орон зайг бий болго
Бясалгал хийх, тэмдэглэл хөтлөх, байгалиас таашаал авах зэрэг тайван, сайн сайхан байдлыг бий болгох сайн унтах дадал зуршил, хооллолт, дасгал хөдөлгөөн, нийгмийн харилцаа холбоо, дадал зуршил зэргийг эрэмбэлэх замаар бие махбодын болон сэтгэл санааны эрч хүч, анхаарлаа төвлөрүүлэх чадвараа сайжруулах нь маш чухал. Хэрэв та эдгээр зүйлсийг хийж амжихгүй байгаа бол цагаа яг юунд, хэрхэн зарцуулж байгаагаа үнэлэхийн тулд долоо хоногийн турш хийсэн зүйлсээ тэмдэглээд үзээрэй. (Та үүнийг цаасан дээр, хүснэгтэн дээр эсвэл одоо ашиглах боломжтой олон программын аль нэг дээр хийж болно.) Цаг хугацаа бүрд юу хийж байгаагаа, хэнтэй хамт байгаа, ямар мэдрэмж төрж байгаагаа тэмдэглэ (жишээлбэл, 1-ээс 10 хүртэлх оноогоор, 1 нь ууртай эсвэл ядарсан, 10 нь баяр баясгалантай эсвэл эрч хүчтэй гэсэн утгатай), мөн тухайн “үйл ажиллагаа хэр үнэ цэнтэй вэ” гэдгийг өөрөөсөө асуух.
Харах өнцгөө өөрчил
Амралт авч, тайвшрах нь ядаргааг хөнгөвчлөх, мартах, бүтээмжтэй байдлыг нэмэгдүүлэх түр хугацааны шийдэл байж болох ч таны асуудлыг бүрэн шийдэж чаддаггүй. Хэрэв хэт ядаргаа нь танд тулгарч буй гол асуудлын нэг бол өөрөөсөө аль ажлыг өөрчилснөөр та өөрийн эрч хүчийг илүү үнэ цэнтэй, чухал ажилд цаг гаргаж болох талаар өөрөөсөө асуух хэрэгтэй.
стресст өртөлтөө багасгах
Та мөн эрүүл бус стрессийг өдөөдөг өндөр үнэ цэнтэй ажил болон харилцаандаа өөрчлөлт хийх хэрэгтэй. Үүнд, хамт ажиллагсад, үйлчлүүлэгчид, тэр байтугай гэр бүлийн гишүүдийнхээ хүлээлтийг өөрийн ачаалал авж чадах хэмжээнд авчрах мөн тодорхой хэм хэмжээг тогтоох зэрэг багтана. Хүмүүс таны энэ шийдвэрийг эсэргүүцэж магадгүй юм. Гэхдээ та урт хугацааны бүтээмжээ сайжруулах болон эрүүл мэндээ хамгаалахын тулд эдгээр өөрчлөлтийг хийж байгаа гэдгээ санах хэрэгтэй.
үнэ цэнтэй Харилцаа бий болго
Ядаргаатай тэмцэх хамгийн сайн арга бол, ялангуяа цинизм болон үр ашиггүй байдлаас үүдэлтэй бол хүн хоорондын үнэ цэнтэй харилцаа, хувийн болон мэргэжлийн тасралтгүй хөгжлийг эрэлхийлэх юм. Эерэг харилцаа, суралцах боломжийг идэвхжүүлэхэд тань туслах ментор, зөвлөгчийг олоорой. Бусдад сайн дураараа зөвлөгөө өгөх нь уг сөрөг мөчлөгөөс гарах бас нэг үр дүнтэй арга юм.
Та өөрийн хайж буй ментороо манай Tomyo Mentor апп-ын салбар бүрийн шилдэг , туршлагатай эрхмүүдээс олоорой!
source: Harvard Business review
