Танилц: Солонгосын топ 10 их сургууль

Орчин цагт Монгол улсын гадаад харилцаа холбоо өргөжиж, сайжрахын хэрээр Монгол залуус Дэлхийн шилдэг их, дээд сургуульд тэтгэлэгтэйгээр суралцах нөхцөл боломж нэмэгдсээр байна. Магадгүй 5 эсвэл 10 жилийн өмнө Дэлхийн топ сургуулиудад суралцах гэдэг бодол бүтэшгүй мөрөөдөл байсан байж болох ч одоо үед хичээж л чадвал бүх боломж нь нээлттэй болжээ.

Тиймээс одооноос эхлэн эзэмшихийг хүссэн мэргэжлийн чиглэлээр тань Дэлхийд тэргүүлэгч боловсролыг олгодог сургуулиудыг эртнээс судалж бэлдээрэй. Харин энэ хүслийг тань биелүүлэхэд TomYo танд туслах болно.


10. Sogang University

1960 онд Есүсийн нийгэмлэгийн тусламжтайгаар Seoul хотод үүсгэн байгуулагдаж байсан уг сургууль өдгөө улсдаа эрдэм шинжилгээ, либерал урлагийн чиглэлээрээ тэргүүлэгч нь аж. 2019 оны байдлаар Songang University-ийн хувьд Дэлхийд 435-т жагсаж байлаа. Мөн төгсөгчдийн ажил эрхлэлтийн түвшин өндөр, маш олон тэтгэлэг оюутнуудад өгдөг нь Солонгосын хамгийн шилдэг 10 их сургуульд багтахад тусалжээ.

Image result for Ewha Womans University

9. Ewha Woman’s University

Ewha Woman’s University нь 1886 онд нэгэн Методист номлогч үүсгэн байгуулсан бөгөөд өдгөө 22,600 гаруй эмэгтэйчүүд суралцдаг. Дэлхийн хамгийн том эмэгтэйчүүдийн их сургууль гэдгээрээ алдартай билээ.

Уг сургууль нь одоогийн байдлаар нийт 13 салбарын 70 гаруй чиглэлийн мэргэжилтэн бэлтгэдэг ба улсдаа улс төр, бизнесийн чиглэлийн шилдэг эмэгтэйчүүдийг бэлтгэдэг гэдгээрээ алдартай аж. Мөн 2019 онд тус сургууль нь Дэлхийд 319-т жагссан байна.

Image result for Kyung Hee University

8. Kyung Hee University

Kyung Hee University нь гадаад улсын залуус руу чиглэсэн солилцооны хөтөлбөр, тэтгэлэг зэргийг хэмждэг шалгуур үзүүлэлтүүдээрээ мэргэжилтнүүдээс өндөр оноо авч чадсан ба энэ нь тэдний том давуу тал нь гэж ойлгож болно. Одоогийн байдлаар Дэлхийд 264-т жагсаж байгаа ба зочид буудал, нийгмийн судалгаа, хэл шинжлэлийн чиглэлээрээ Дэлхийд эхний 150-д орохоор томоохон хувийн сургууль юм.

Image result for Hanyang University

7. Hanyang University

Энэ удаад Hanyang University нь Өмнөд Солонгосын жансааны 7-д эрэмбэлэгдлээ. Тус сургууль нь одоогийн байдлаар Дэлхийд 151-т жагсаж байгаа бөгөөд Seoul хотод байршилтай аж. Мөн Hanyang University нь Кёнги-Дө мужийн Ansan хотод өөрсдийн гэсэн “ERICA” (Education Research Industry Cluster at Ansan) хэмээх кампустай бөгөөд салбарын хамтын ажиллагаа, хөдөлмөр эрхлэлт, гарааны бизнесийг дэмжих чиглэлээр тэргүүлэгч гэдгээрээ алдартай билээ.

Image result for Pohang University of Science And Technology

6. Pohang University of Science And Technology (POSTECH)

Pohang University of Science And Technology нь одоогийн байдлаар Дэлхийд 83-т жагсаж байгаа бөгөөд технологийн чиглэлийн шилдэг сургуулиудын нэгт зүй ёсоор тооцогдох билээ. Мөн Hanyang University-тай адил Pohang хотын захад 400 акр талбай бүхий кампус нь Өмнөд Солонгос улсын анхны хос хэлхээтэй хотхон гэдгээрээ алдартай юм. Түүгээр ч зогсохгүй 25,000 хавтгай дөрвөлжин метр талбай бүхий Tae-Joon Park дижитал номын сан гэх мэт олон төрлийн орчин үеийн байгууламжуудтай гэнэ. Тус номын сан нь ойролцоогоор 355,000 гаруй номын цуглуулга бүхий барилга аж.

Image result for Sungkyunkwan University (SKKU)

5. Sungkyunkwan University (SKKU) 

Sungkyunkwan University нь анх 1398 онд Жозеон гүрний үед хааны зарлигаар нээгдэж байжээ. Өөрөөр хэлбэл Солонгосын хамгийн эртний их сургууль юм. 

Одоогийн байдлаар уг сургууль нь Дэлхийд 100-д жагсаж байгаа бөгөөд механик инженерчлэл, мэдээллийн менежмент ба хэрэглээний шинжлэх ухааны чиглэлээр Дэлхийн шилдэг 50-т багтдаг аж. Мөн Samsung компанитай хамтран Дэлхийн хэмжээний удирдагч, бүтээлч, судалгааны ажлыг бий болгох зорилгоор “Vision 2020” гэх хөтөлбөрийг эхлүүлсэн байна.

Image result for Yonsei University

4. Yonsei University

Yonsei University нь анх 1885 онд үүсгэн байгуулагдсан бөгөөд Солонгосын хамгийн эртний хоёр дахь сургууль гэдгээрээ алдартай билээ. Одоогийн байдлаар Дэлхийд POSTECH-ийн ард 107-р байрт жагсаж байгаа ч олон улсын залуус руу чиглэсэн хөтөлбөр, тэтгэлэг, шүдний эмч, эм зүй, төрийн бодлого удирдлага гэх мэт чиглэлдээ Дэлхийн 50-т багтсан гэх тоо баримтууд нь тэднийг улсдаа 4-р байрт ороход нь тусалсан гэж ойлгож болно. Мөн улсдаа “Тэнгэрийн гурван их сургууль”-ийн нэг гэдгээрээ нэр хүндтэй юм.

Уг сургууль нь Seoul болон Wonju хотуудад кампустай бөгөөд тус хоёр кампуст нийтдээ 38,600 гаруй залуус байрладаг аж. Үүний дотор 4647 олон улсын оюутан суралцаж байна гэсэн судалгаа гарчээ.

Image result for Korea University

3. Korea University 

Солонгосын “Тэнгэрийн гурван их сургууль”-ийн нэг Korea University нь 1905 онд үүсгэн байгуулагдаж байсан бөгөөд Дэлхийд 86-д эрэмбэлэгдэж байна. Одоогийн байдлаар тэдний хоёр кампуст нийт 37,000 гаруй оюутнууд суралцдаг аж. Улсдаа олон улсын судалгаа, шинжилгээ, гадаад орны залуус руу чиглэсэн хөтөлбөрүүдээрээ хамгийн шилдэгт тооцогддог төдийгүй Солонгос руу суралцах гэж ирж буй нийт олон улсын залуусын 11 хувь нь тус сургуульд элсдэг гэнэ.

Image result for Seoul national university

2. Seoul National University (SNU)

Энэхүү алдарт Seoul National University нь анх 1946 онд 10 институтийг нэгтгэж үүсгэсэн бөгөөд Солонгосын анхны үндэсний их сургууль гэдгээрээ алдартай билээ. Мөн шилдэг залуусыг төрүүлдэг төдийгүй Солонгосын хамгийн шилдэг 100 компанийн дөрөвний нэг нь SNU-г төгссөн хүмүүс удирддаг аж. Түүнчлэн төгсөгчдийн ажил эрхлэлтийн үзүүлэлт болон оюутан, төгсөгч хоорондын харилцаа холбоо өндөр хэмжээнд байдаг гэнэ. (Тэнгэрийн гурван их сургуулийн нэг)

Одоогийн байдлаар Дэлхийд 36-д жагсаж байгаа бөгөөд 41 салбар, чиглэлийн мэргэжлээрээ шилдгүүдийн дунд багтжээ. Тухайлбал хими, эм зүй, механик инженерчлэл, спортын чиглэлийн мэргэжлүүд багтах гэнэ. Мөн 58 орны нийт 289 их сургуулиудтай хамтарч олон улсын судалгаа, шинжилгээ хийдэг гэдгээрээ алдартай юм. 

Image result for korea advanced institute of science and technology (kaist)

1. Korea Advanced Institute of Science & Technology (KAIST)

Эцэст нь шинэ зэрэглэлийн дагуу Солонгосын хамгийн шилдэг их сургуулиар Дэжэоны судалгаа, технологийн төвд байрлах KAIST шалгарсан байна. Анх 1971 онд эрдэм шинжилгээ, технологийн чиглэлээр байгуулагдсан бөгөөд өдгөө Дэлхийд 40-д жагсаж байгаа аж. 

KAIST нь орчин үеийн технологи, шилдэг факультетээрээ (заах арга зүй, систем) олон улсын шинжээчдээс өндөр оноо авсан бөгөөд Дэлхийн хамгийн чухал чиглэлүүд болох хэрэглээний шинжлэх ухаан, инженерийн хэд хэдэн салбар, компьютерын шинжлэх ухааны чиглэлээрээ олон улсад танигджээ.


Хэрэв та дээрх Солонгосын топ их сургуулиудад элсэх зорилготой бол тухайн сургуульд нь суралцдаг Монгол залуусыг TomYo аппын ментор хэсгээс олоорой. Тэд танд зөвлөгөө өгөхдөө үргэлж бэлэн байх болно. Мөн та Солонгос хэлний бүх түвшний хичээлийг TomYo аппаас үзэх боломжтой. Тиймээс та яг одоо дээрх баннер дээр дарж аппаа татаарай.

error: Энэхүү контент хамгаалагдсан!